International

कोरोना कहर : संक्रमितको संख्या १ करोड ११ लाख भन्दा माथि, ७ लाख ५९ हजार बढीको मृत्यु

काठमाडौं। विश्वभर कोरोना संक्रमितको संख्या २ करोड ११ लाख ७९ हजार ३३५ पुगेको छ। ती मध्ये १ करोड ३९ लाख ८९ हजार ८९ जना उपचारपछि निको भएका छन् भने ७ लाख ५९ हजार ४५४ जनाको मृत्यु भइसकेको छ।

मेक्सिकोमा पछिल्लो २४ घण्टामा ६२७ जनाको मृत्यु भएको छ। योसँगै मेक्सिकोमा कोरोनाबाट मृत्यु हुनेको संख्या ५५ हजार २ सय ९३ पुगेको छ। अमेरिका र ब्राजीलपछि मेक्सिको तेस्रो मुलुक हो, जहाँ सबैभन्दा धेरै संक्रमितको मृत्यु भएको छ। मेक्सिकोमा पाँच लाख पाँच हजार भन्दा धेरै मानिस संक्रमित भएका छन्।

सबैभन्दा धेरै अमेरिकामा ५४ लाख ३३ हजार १२९ जना संक्रमित भएका छन् भने अमेरिकामा १ लाख ७० हजार ८ सय १७ जनाको मृत्यु भएको छ भने २८ लाख ४५ हजार ७१७ जना उपचारपछि निको भएका छन्।

यसैगरी ब्राजीलमा ३२ लाख २९ हजार ६२१ जना कोरोना संक्रमित भएका छन् भने १ लाख पाँच हजार ५६४ जनाको मृत्यु भएको छ। यसैगरी २३ लाख ५६ हजार ६४० जना उपचारपछि निको भएका छन्।

बढी संक्रमित हुने मुलुकको तेस्रो स्थानमा रहेको भारतमा २५ लाख ६ हजार २४७ जना संक्रमित भएका छन् भने ४८ हजार ८ सय ८८ जनाको मृत्यु भइसकेको छ। भारतमा १७ लाख ७० हजार ६८२ जना उपचारपछि निको भएका छन्।

यसैगरी रुसमा ९ लाख १२ हजार ८२३ जना संक्रमित भएका छन्। त्यँहा १५ हजार ४९८ जनाको मृत्यु भएको छ भने ७ लाख २२ हजार ९६४ जना उपचारपछि निको भएका छन्।

Related Articles

Back to top button
Close