News

कोरोनो शंका लागे वा जोखिमयुक्त ठाउँबाट काठमाडौं उपत्यका आए यी ठाउँमा गएर दिनुस् स्वाब

स्वास्थ्य तथा जनसंख्या मन्त्रालयले कोरोना संक्रमणको शंका लागेका वा जोखिमयुक्त ठाउँबाट काठमाडौं उपत्यका आउने मानिसहरूको परीक्षण गर्नको लागि स्वाब संकलन केन्द्र तोकेको छ।

मन्त्रालयले उपत्यकाका विभिन्न १४ वटा अस्पताललाई स्वाब संकलन केन्द्र तोकेको छ। जसमा पाटन, सिभिल, टिचिङ, टेकु, वीरेन्द्र, स्टार, नेपाल प्रहरी, भक्तपुर, केएमसी, वीर, सशस्त्र प्रहरी, प्रसूति गृह, नेपाल कोरिया मैत्री र ह्याम्स अस्पताल छन्।

‘शंकास्पद बिरामीको सम्पर्कमा आएका व्यक्तिहरू, जोखिमयुक्त स्थानहरूबाट आउनु भएका व्यक्तिहरूले नजिकको स्वाब केन्द्रमा बिहानको ९ बजेदेखि १ बजेसम्म गई स्वाब परीक्षण गर्न अनुरोध गरिन्छ,’ सूचनामा भनिएको छ।

साथै, संक्रमण जोखिम बढेको भन्दै मन्त्रालयले जनस्वास्थ्यको मापदण्ड अनिवार्य रूपमा पालन गर्न आग्रह गरेको छ।

मानिसहरूलाई घरमै बसेर चाडपर्व मनाउन पनि मन्त्रालयले अपील गरेको छ।

Related Articles

Back to top button
Close